സി പി ജലീലിന്റെ മരണം: അന്വേഷണം അട്ടിമറിക്കുന്നതിനെതിരെ കുടുംബാംഗങ്ങളുടെ ധർണ്ണ നാളെ .

സി പി ജലീലിന്റെ  മരണം: അന്വേഷണം അട്ടിമറിക്കുന്നതിനെതിരെ കുടുംബാംഗങ്ങളും മനുഷ്യാവകാശ പ്രവർത്തകരും നാളെ  വയനാട് കലക്ടറേറ്റിനു മുൻപിൽ ധർണ്ണ  നടത്തും. ഇടതു സർക്കാരിന്റെ  കാലത്ത് നാല് വ്യാജ ഏറ്റുമുട്ടലുകളിൽ  എട്ടുപേർ കൊല്ലപ്പെട്ടുവെന്നും  ഇത്തരം മരണങ്ങളുടെ അന്വേഷണം അട്ടിമറിക്കുന്നു എന്നും ആരോപിച്ചാണ് സമരം നടത്തുന്നത് . ഇത്തരം  വ്യാജ ഏറ്റുമുട്ടലുകളിൽ സർക്കാർ പാലിക്കേണ്ട സുപ്രീംകോടതി നിർദ്ദേശങ്ങൾ പാലിക്കപ്പെടുന്നില്ല. പോലീസും സർക്കാരും ചേർന്ന് നഗ്നമായി അവയെല്ലാം ലംഘിക്കുകയാണ്. വ്യാജ ഏറ്റുമുട്ടലിൽ സി പി ജലീൽ മരിച്ചപ്പോൾ പോലീസ് കോടതിയിൽ കൊടുത്ത എഫ് ഐ എസ് സി ലും പോലീസ് മേധാവി മാധ്യമങ്ങളോട് സംസാരിക്കുമ്പോഴും ക്രൈംബ്രാഞ്ച് കൽപ്പറ്റ കോടതിയിൽ അന്വേഷണ റിപ്പോർട്ട് കൊടുത്തപ്പോഴും എല്ലാം യഥാർത്ഥ വസ്തുതകൾ   മൂടിവെച്ച്  പോലീസുകാരെ സംരക്ഷിക്കാനാണ് ശ്രമിച്ചതെന്നും ഇവർ ആരോപിച്ചു.