കടബാധ്യത മൂലം ആത്മഹത്യ ചെയ്ത തിരുനെല്ലിയിലെ കർഷകന്റെ വിധവയ്ക്ക് സർക്കാർ ജോലി നൽകണം : ആം ആദ്മി പാർട്ടി വയനാട് ജില്ലാ കമ്മറ്റി
കൽപ്പറ്റ : കൃഷി നാശം സംഭവിച്ച് നഷ്ടപരിഹാരം ലഭിക്കാതെയാണ് തിരുനെല്ലി പഞ്ചായത്ത് കോട്ടിയൂരിലെ കെ.വി.രാജേഷ് ജീവനൊടുക്കിയത്. ഇതോടെ രാജേഷിന്റെ മൂന്നു മക്കൾ അടങ്ങിയ കുടുംബം അനാഥമായിരിക്കുകയാണ്. പ്ലസ് ടു വരെ പഠിച്ച ഭാര്യ പ്രീതക്ക് ജോലി നൽകണം. കുടുംബത്തിന്റെ 3 ലക്ഷത്തോളം രൂപയുടെ കടം സർക്കാർ ഏറ്റെടുത്ത് കുടുംബത്തെ സംരക്ഷിക്കണമെന്നും ആം ആദ്മി പാർട്ടി ആവശ്യപ്പെട്ടു.
ആത്മഹത്യ ചെയ്ത രാജേഷിന്റെ വീട് ആം ആദ്മി പാർട്ടി ജില്ലാ നേതാക്കളായ അജി കൊളോണിയ,മുനീർ പാറക്കടവത്ത്, അഡ്വ തോമസ്, ബാബു തച്ചറോത്ത് എന്നിവർ സന്ദർശിച്ചു.
Leave a Reply