സി പി ഐ എം ഏരിയാ സമ്മേളനങ്ങൾക്ക് ജില്ലയിൽ തുടക്കമായി
വൈത്തിരി – സി പി ഐ എം ഏരിയാ സമ്മേളനങ്ങൾക്ക് ജില്ലയിൽ തുടക്കമായി.വൈത്തിരി ഏരിയാ സമ്മേളനം അച്ചൂരാനം അത്തിമൂലയിൽ വെച്ച് ആരംഭിച്ചു. സമ്മേളനം സി.പി.ഐ.എം സംസ്ഥാന കമ്മിറ്റിയംഗം ടി.വി. രാജേഷ് ഉദ്ഘാടനം ചെയ്തു. ജില്ലാ സെക്രട്ടറി പി. ഗഗാറിൻ , സംസ്ഥാന കമ്മിറ്റിയംഗം സി.കെ.ശശീന്ദ്രൻ , ജില്ലാ സെക്രട്ടറിയേറ്റംഗങ്ങളായ എ.എൻ പ്രഭാകരൻ, കെ.റഫീഖ്, പി.കെ. സുരേഷ് , ജില്ലാ കമ്മിറ്റിയംഗം വി. ഉഷാകുമാരി എന്നിവർ സംസാരിച്ചു. ഏരിയാ സെക്രട്ടറി സി.എച്ച് മമ്മി റിപ്പോർട്ട് അവതരിപ്പിച്ചു.
സമ്മേളനത്തിന് തുടക്കം കുറിച്ച് ഏരിയാ കമ്മിറ്റി അംഗം കെ.പി. രാമചന്ദ്രൻ പതാക ഉയർത്തി.
ജില്ലാ കമ്മിറ്റി അംഗം എം. സെയ്ദ് കൺവീനറായുള്ള കെ. രവീന്ദ്രൻ , ലക്ഷ്മി, എം. രമേഷ് എന്നിവരടങ്ങിയ പ്രസീഡിയമാണ് സമ്മേളനം നിയന്ത്രിക്കുന്നത്.
എം. ജനാർദ്ദനൻ കൺവീനറായ പ്രമേയ കമ്മിറ്റിയും എം.വി. വിജേഷ് കൺവീനറായ മിനുട്സ് കമ്മിറ്റിയും ഗോപിനാഥ് കൺവീനറായ ക്രഡൻഷ്യൽ കമ്മിറ്റിയും മനോജ് കൺവീനറായ രജിസ്ട്രേഷൻ കമ്മിറ്റിയും പ്രവർത്തിക്കുന്നു.
സമ്മേളനം നാളെ വൈകിട്ട് സമാപിക്കും.
Leave a Reply