മരംവിണ് വീടിൻ്റെ മേൽക്കൂര പൂർണ്ണമായും തകർന്നു

തിരുനെല്ലി: മരംവിണ് വീടിൻ്റെ മേൽക്കൂര പൂർണ്ണമായും തകർന്നു.തിരുനെല്ലി പഞ്ചായത്ത് വെള്ളാഞ്ചേരി റസൽകുന്ന് സെറ്റിൽമെൻ്റ് കോളനിയിലെ നാരായണൻ്റെ വീടിൻ്റെ മുകളിലാണ്  മരം വിണത്. മരം വീഴുന്ന ശബ്ദംകേട്ട്നാരായണനും ഭാര്യയും മക്കളും പുറത്തേക്ക് ഓടിയതിനാല്‍ പരിക്കേല്‍ക്കാതെ അത്ഭുതകരമായി രക്ഷപ്പെട്ടു.വീടിൻ്റെ ഭിത്തിയും, ഫർണ്ണിച്ചറുകളുംഭാഗികമായും മേൽക്കൂരയും പൂർണ്ണമായും തകർന്നു.രണ്ട് ലക്ഷം രൂപയുടെ നഷ്ട്ടം കണക്കാക്കുന്നു. വിവരമറിഞ്ഞെത്തിയ നാട്ടുകാരും ഫോറസ്റ്റ് അധികൃതരും ചേർന്നാണ് വീടിന് മുകളിൽ വീണ മരം മുറിച്ചുമാറ്റിയത്.