യന്ത്രങ്ങൾ ഉപയോഗിച്ച് മണ്ണെടുക്കുന്നത് നിരോധിച്ച ഉത്തരവ് ജില്ലാ കലക്ടർ പിൻവലിച്ചു.

കൽപ്പറ്റ: കാലവർഷത്തിലെ ദുരന്തനിവാരണ പ്രവർത്തനങ്ങളുടെ ഭാഗമായി യന്ത്രങ്ങൾ ഉപയോഗിച്ച് മണ്ണെടുക്കുന്നത് നിരോധിച്ചു കൊണ്ട് വയനാട് ജില്ലാ കലക്ടർ പുറപ്പെടുവിച്ച ഉത്തരവ് പിൻവലിച്ചു.മഴ മാറിയതോടെ മണ്ണിടിച്ചിൽ ഭീഷണി കുറഞ്ഞതിനാൽ ആണ് ഉത്തരവ് പിൻവലിച്ചത്. ജൂൺ 15 മുതൽ ആയിരുന്നു  മണ്ണെടുക്കുന്നത് നിരോധിച്ചു കൊണ്ട് ഉത്തരവ്  ഉണ്ടായിരുന്നത്.വീടുപണി നടത്തുന്നവർക്കും കെട്ടിടം പണി  ചെയ്യുന്നവർക്കും മറ്റ് നിർമ്മാണജോലികൾ നടത്തുന്നവർക്കും  ഉത്തരവ് പിൻവലിച്ചത്  ആശ്വാസമായി ..