രാസവള ക്ഷാമം ഉടന് പരിഹരിക്കണം -ഹരിതസേന
കല്പ്പറ്റ: രാസവള ക്ഷാമം ഉടന് പരിഹരിക്കണമെന്നാവശ്യപ്പെട്ട് ഹരിതസേന പ്രക്ഷോപത്തിലേക്ക് നീങ്ങുന്നു.വയനാട് ജില്ല രൂക്ഷമായ രാസവള ക്ഷാമം അനുഭവിക്കുകയാണ്. എല്ലാ വിളകള്ക്കും പ്രത്യേകിച്ച് വാഴക്കും ഇഞ്ചിക്കും നെല്ലിനും കാപ്പിക്കും ഈ മാസത്തില് യൂറിയ പോലുള്ള രാസവളങ്ങള് ഉപയോഗിക്കേണ്ട ഈ സമയത്ത് രാസവള ക്ഷാമം കാര്ഷിക മേഖലയെ തകര്ച്ചയിലാക്കും. നെല്ലിന് ആദ്യ വളപ്രയോഗ സമയമാണിത്.ഈ സീസണില് 2000- ടണ് യൂറിയ വയനാട് ജില്ലയില് ആവശ്യമാണ്.ഒരു ചാക്ക് യൂറിയ പോലും കിട്ടാനില്ല. യൂറിയ ലഭിക്കണമെങ്കില് കമ്പനികള് ആവശ്യപ്പെടുന്നത് കര്ഷകന് ആവശ്യമില്ലാത്ത മറ്റ് വളങ്ങള് എടുക്കണമെന്നാണ്. വേണ്ട രീതിയില് ജില്ലാ കൃഷി ഓഫീസര് രാസവളത്തിന് ശുപാര്ശ ചെയ്യാത്തതാണ് ഈ പ്രതിസന്ധിക്ക് കാരണം. ഇതിനെതിരെ ജില്ലാ പ്രിന്സിപ്പല് കൃഷി ഓഫീസ് ഉപരോധമടക്കമുള്ള ശക്തമായ സമരപരിപാടികള് തുടങ്ങാന് ഹരിതസേന ജില്ലാ കമ്മറ്റി തീരുമാനിച്ചു. ജില്ലാ പ്രസിഡന്റ് എം.സുരേന്ദ്രന്, ജില്ലാ സെക്രട്ടറി ജോസ് പുന്നക്കല്, പി.എന്.സുധാകര സ്വാമി, ജോസ് പാലയണ, ടി.ആര്.പോള് എന്നിവര് സംസാരിച്ചു
Leave a Reply