പട്ടികജാതി പട്ടിക വർഗ്ഗക്കാരെ സ്വയം സംരംഭകരാക്കാൻ കേന്ദ്ര പദ്ധതി.: ദേശീയ ചെറുകിട വ്യവസായ കോർപ്പറേഷന്റെ ആഭിമുഖ്യത്തിലാണ് പദ്ധതി
പട്ടികജാതി പട്ടിക പർഗ്ഗക്കാരെ സ്വയം സംരംഭകരാക്കാൻ കേന്ദ്ര പദ്ധതി.
കൽപ്പറ്റ: രാജ്യത്തെ പട്ടിക ജാതി പട്ടികവർഗ്ഗക്കാരെ സ്വയം സംരഭകരാക്കുകയും കൂടുതൽ തൊഴിൽ അവസരങ്ങൾ സൃഷ്ടിക്കുന്നതിനും കേന്ദ്ര പദ്ധതി. ഇതിന്റെ ഭാഗമായി ദേശീയ ചെറുകിട വ്യവസായ കോർപ്പറേഷന്റെ ആഭിമുഖ്യത്തിൽ സംരംഭകർക്ക് വേണ്ടി കൽപ്പറ്റയിൽ ഏക ദിന പരിശീലനം നടത്തി. 2016- 17 കേന്ദ്ര ബജറ്റ് പ്രസംഗത്തിലൂടെ 2020 വരെയുള്ള നാല് സാമ്പത്തിക വർഷങ്ങളിലേക്ക് 490 കോടി രൂപയാണ് വകയിരുത്തിയിട്ടുള്ളത്. കേന്ദ്ര സർക്കാർ എം.എസ്. എം. ഇ മന്ത്രാലയം രൂപീകരിച്ച ദേശീയ പട്ടികജാതി- പട്ടികവർഗ്ഗ ഹബ്ബ് വഴി, പരിശീലനം സാമ്പത്തിക സഹായം, സാങ്കേതിക സഹായം എന്നിവ നൽകും. .
പുതിയതായി സംരംഭം തുടങ്ങാൻ താൽപ്പര്യമുള്ളവർക്കും നിലവിൽ സംരംഭം നടത്തുന്നവർക്ക് മാർക്കറ്റിംഗിലും സഹായിക്കും. എം.എസ്. എം.ഇ. ഡാറ്റാ ബാങ്ക്, വെണ്ടർ ഡവലപ്മെന്റ് പദ്ധതികൾ, മാർഗ്ഗ നിർദ്ദേശ ശേഷി രൂപീകരണം, സാമ്പത്തിക സഹായങ്ങൾക്കുള്ള പിന്തുണ , വിതരണ കാരുടെ കൺസോർഷ്യം ,വിപണനത്തിനുള്ള സഹായം , മാനേജ്മെന്റ് ഇൻഫർമേഷൻ സിസ്റ്റം തുടങ്ങിയ കാര്യങ്ങൾ എൻ .എസ്. ഐ.സി. ഏകോപിപ്പിക്കും.
കൽപ്പറ്റ വുഡ്ലാൻഡ് ഓഡിറ്റോറിയത്തിൽ നടന്ന പരിശീലന പരിപാടി ദേശീയ ചെറുകിട വ്യവസായ കോർപ്പറേഷൻ സോണൽ ചീഫ് ജനറൽ മാനേജർ പി. രവികുമാർ ഉദ്ഘാടനം ചെയ്തു. കെ.എസ്. എസ്. ഐ. എ പ്രസിഡണ്ട് എ. ഭാസ്കരൻ , എൻ.എസ്. ഐ. സി. ബ്രാഞ്ച് മാനേജർ ജിയോ ജോൺ, ഡവലപ്മെന്റ് ഓഫീസർ എസ്.വി. ശിവരാജ്,
അസിസ്റ്റന്റ് ജില്ലാ വ്യവസായ ഓഫീസർ പി.എസ്. കലാവതി, വയനാട് ജില്ലാ ലീഡ് ബാങ്ക് മാനേജർ, എസ്. വിനോദ് , ലജിത മോൾ, വിഎം. മുഹമ്മദ് കോയ, കെ രാധാകൃഷ്ണൻ , ദിനേശ് കുമാർ , വിജയരാജൻ, കുഞ്ഞികൃഷ്ണൻ, മണികണ്ഠൻ ,എന്നിവർ പ്രസംഗിച്ചു.
[ga
Leave a Reply