വെള്ളമുണ്ട റോഡ് നിർമ്മാണം ആദ്യഘട്ടം തിങ്കളാഴ്ചയും രണ്ടാം ഘട്ടം 22 – നും തുടങ്ങും: തീരുമാനമായത് കർമ്മ സമിതിയുമായുള്ള ചർച്ചയിൽ

വെള്ളമുണ്ട – നിരവിൽ പുഴ    റോഡ് നിർമ്മാണം ആദ്യഘട്ടം  തിങ്കളാഴ്ചയും രണ്ടാം ഘട്ടം 22 – നും തുടങ്ങും. പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയറുടെ ഓഫീസിൽ വെള്ളിയാഴ്ച രാവിലെ   കർമ്മ സമിതിയുമായുള്ള ചർച്ചയിലാണ് ഇതു സംബന്ധിച്ച തീരുമാനമായത്. ഒന്നാം ഘട്ടം തരുവണ മുതൽ എട്ടേ നാൽ വരെയുള്ള ഭാഗങ്ങളിൽ ഒന്നര ഇഞ്ച് മെറ്റൽ  ഉപയോഗിച്ച്  കുഴി അടക്കുന്നതാണ് തിങ്കളാഴ്ച തുടങ്ങുന്നത്. ഇതേ ഭാഗത്ത്  ഒന്നാം നിര മെക്കാഡം പ്രവൃത്തി 22-ന് ആരംഭിക്കും. മരങ്ങൾ മുറിക്കാനുള്ളതിനാലും ഇലക്ട്രിക്  പോസ്റ്റുകൾ മാറ്റാൻ ഉള്ളതിനാലും  ഏതെങ്കിലും ഭാഗത്ത് ഒന്നാം നിര മെക്കാഡം  പ്രവൃത്തി പൂർത്തിയാക്കുന്നതിന്  കാലതാമസം നേരിട്ടാൽ ആ ഭാഗം മാത്രം ഒഴിവാക്കി ബാക്കി ഭാഗം അടിയന്തരമായി പൂർത്തീകരിക്കും.   കൾവർട്ടുകളുടെ പണി പൂർത്തിയാക്കാൻ വൈകിയാൽ. ആ ഭാഗം ഒഴിവാക്കി മെക്കാഡം പ്രവൃത്തി തുടരുകയും  കൾവർട്ടിന്റെ പണി പൂർത്തിയായ ശേഷം ആ ഭാഗം മെക്കാഡം പൂർത്തിയാക്കുകയും ചെയ്യും.