ഹരിത മിത്രം സ്മാര്ട്ട് ഗാര്ബേജ് ആപ്പ് ഉദ്ഘാടനം ചെയ്തു
കൽപ്പറ്റ: വൈത്തിരി ഗ്രാമപഞ്ചായത്തിലെ മാലിന്യസംസ്കരണ പ്രവര്ത്തനങ്ങള് സ്മാര്ട്ട് ഗാര്ബേജ് ആപ്പിലൂടെ ഇനി മുതല് സ്മാര്ട്ടാകും. പഞ്ചായത്തില് ഹരിത മിത്രം ആപ്ലിക്കേഷന്റെ ക്യൂആര് കോഡ് ഇന്സ്റ്റലേഷന്റെ ഉദ്ഘാടനം പഞ്ചായത്ത് പ്രസിഡന്റ് എം.വി വിജേഷ് നിര്വ്വഹിച്ചു. പഞ്ചായത്ത് വൈസ് പ്രസിഡന്റ് ഉഷ ജ്യോതി ദാസ് അധ്യക്ഷത വഹിച്ചു. തദ്ദേശസ്ഥാപനങ്ങളിലെ മാലിന്യസംസ്കരണ പ്രവര്ത്തനങ്ങള് അതത് സമയങ്ങളില് തന്നെ ഡിജിറ്റല് സംവിധാനത്തിലൂടെ സംസ്ഥാനതലം മുതല് തദ്ദേശസ്വയംഭരണ സ്ഥാപന വാര്ഡ്തലം വരെ മോണിറ്റര് ചെയ്യുന്നതിനായി കെല്ട്രോണിന്റെ സാങ്കേതിക സഹായത്തോടെ ഹരിത കേരളം മിഷന്, ശുചിത്വ മിഷന്, കില എന്നിവരുടെ സഹകരണത്തോടെ വികസിപ്പിച്ച ആപ്ലിക്കേഷനാണ് ഹരിത മിത്രം. ഹരിത മിത്രം സ്മാര്ട്ട് ഗാര്ബേജ് മാനേജ്മെന്റ് സിസ്റ്റത്തിന്റെ ഭാഗമായി ഡാറ്റാ ബേസ്, ടെക്നീഷ്യന്സ് ആപ്പ്, കസ്റ്റമര് ആപ്പ്, എം.സി.എസ്/ആര്ആര്എഫ് ആപ്പ്, വെബ് പേര്ട്ടല് തുടങ്ങിയ അഞ്ച് ഘടകങ്ങള് ഈ ആപ്പില് ലഭ്യമാണ്.
സ്ഥിരം സമിതി അധ്യക്ഷൻമാരായ എൻ. ഒ ദേവസി, കെ.കെ തോമസ്, ഒ.ജിനിഷ, മെമ്പർമാരായ വി.എസ്. സുജിന, ബി.ഗോപി, കെ.ആർ ഹേമലത, പി.കെ ജയപ്രകാശ്, ഡോളി ജോസ്, ജ്യോതിഷ് കുമാർ, മേരികുട്ടി മൈക്കിൾ, ജോഷി വർഗ്ഗീസ്, വൽസല സദാനന്ദൻ, പഞ്ചായത്ത് സെക്രട്ടറി സജീഷ്, വി.ഇ.ഒ അനില കൃഷ്ണൻ തുടങ്ങിയവർ സംസാരിച്ചു. ഹരിത കർമ്മ സേന അംഗങ്ങൾ, പഞ്ചായത്ത് ജീവനക്കാർ തുടങ്ങിയവർ പങ്കെടുത്തു.
Leave a Reply