ആർ.എ. ആർ.എസ്. മേധാവിയെ സ്ഥലം മാറ്റിയത് സർവ്വീസ് സംഘടനയുടെ പ്രതികാര നടപടിയെന്ന് ഏകോപന സമിതി.

കൽപ്പറ്റ: കേരള കാർഷിക സർവ്വകലാശാലയുടെ അമ്പലവയൽ പ്രാദേശിക കാർഷിക ഗവേഷണ കേന്ദ്രം മേധാവി ഡോ: പി. രാജേന്ദ്രനെ സ്ഥലം മാറ്റിയതിന് പിന്നിൽ ചില സർവ്വീസ് സംഘടനകളുടെ സ്ഥാപിത താൽപ്പര്യവും  പ്രതികാര നടപടിയുമാണെന്ന് കേരള വ്യാപാരി വ്യവസായി ഏകോപന സമിതി അമ്പലവയൽ യൂണിറ്റ് കമ്മിറ്റി കൽപ്പറ്റയിൽ വാർത്താ സമ്മേളനത്തിൽ ആരോപിച്ചു. കേന്ദ്ര – കേരള സർക്കാർ കർഷിക പരോഗതി  ലക്ഷ്യം വെച്ച് സ്ഥാപിച്ച  ഗവേഷണ കേന്ദ്രം  നാടിനും കർഷകർക്കും പ്രയോജനമില്ലാതെ കാടുകയറി നശിക്കുന്നതിനിടെയാണ് ഡോ. പി. രാജേന്ദ്രൻ സ്ഥാപന മേധാവിയായി ചുമതലയേൽക്കുന്നത്. അഞ്ച് വർഷം കൊണ്ട് ഈ ഗവേഷണ കേന്ദ്രത്തെ  മികച്ച ഗവേഷണ കേന്ദ്രമായും  വരുമാന സ്രോതസ്സാക്കിയും മാറ്റി. അതു വരെ ജോലി ചെയ്യാതെ സുഖവാസ കേന്ദ്രമായി ഈ കേന്ദ്രത്തെ ഉപയോഗിച്ചിരുന്നവർ ഇതോടെ ശീതസമരത്തിലായി. ഇതാണ് ഇപ്പോൾ മറ നീക്കി പുറത്ത് വന്നതാണ് ഇപ്പോഴത്തെ അവസ്ഥ. ആർ. എ ആർ. എസിൽ ഓഡിറ്റർമാർ ചൂണ്ടിക്കാട്ടിയ ന്യൂനതകൾക്ക് ഡോ: രാജേന്ദ്രൻ നൽകിയ  മറുപടിയും കണക്കും സർവ്വകലാശാലാ അധികൃതർ മറച്ചുവെച്ചും  വൈസ് ചാൻസിലർ നിയോഗിച്ച നാലംഗ സംഘത്തിന്റെ  റിപ്പോർട്ട് മറച്ചുവെച്ചുമാണ്  ഭരണാനുകൂല സർവീസ്       സംഘടനയുടെ സമ്മർദ്ദത്തിന് വഴങ്ങി ഫാം മേധാവിയെ സ്ഥലം മാറ്റിയത്