ആദിവാസി വിദ്യാർത്ഥികൾ യാത്രാ സൗകര്യം നിഷേധിക്കുന്നു: പരാതികൾക്ക് പുല്ലുവിലയെന്ന് അമ്മമാർ

നിലവിൽ രക്ഷിതാക്കൾ ഏർപ്പെടുത്തിയ ഓട്ടോ റിക്ഷയിലാണ് കുട്ടികളെ കൊണ്ടു പോയി കൊണ്ടിരുന്നത്. മാതാപിതാക്കൾ കൂലിപ്പണിയെടുത്ത് 400 രൂപ വീതം നൽകിയിരുന്നു. എന്നാൽ അടുത്ത കാലത്തായി തൊഴിലാല്ലാതായതോടെ ഈ പണം കുടിശ്ശികയായതോടെ ഉണ്ടായിരുന്ന സൗകര്യം നിലച്ചു.. ഈ തുക പഞ്ചായത്ത് അധികൃതരോ ഗോത്ര സാരഥി പദ്ധതിയിൽ ഉൾപ്പെടുത്തി പട്ടിക വർഗ്ഗ വികസന വകുപ്പോ വഹിക്കണമെന്ന് ആവശ്യപ്പെട്ട് പഞ്ചായത്തധികൃതർക്കും ജില്ലാ കലക്ടർക്കും പരാതി നൽകിയിട്ടും ഫലമുണ്ടായില്ലന്ന് ഇവർ പറഞു. കേന്ദ്ര- കേരള സർക്കാരുകൾ ആദിവാസികൾക്ക് ' വേണ്ടി ചിലവഴിക്കുന്ന ഫണ്ട് കോടികളുടേതാണങ്കിലും ഇത്തരം അടിസ്ഥാന കാര്യങ്ങൾക്ക് പോലും നീതി നിഷേധമാണ് അധികൃതരുടെ ഭാഗത്ത് നിന്നുള്ളത്.  മഴക്കാലത്ത് ചോർന്നൊലിക്കുന്ന സി.സി. ഗവ: എൽ.പി.സ്കൂൾ റിപ്പയർ ചെയ്യാനുള്ള നടപടി സ്വീകരിക്കണമെന്നും ഇവർ ആവശ്യപ്പെട്ടു.