വിശദമായ ചോദ്യം ചെയ്യൽ : സാദിർ തലപ്പുഴയുടെ കവിതാ സമാഹാരം പ്രസിദ്ധീകരണത്തിനൊരുങ്ങി.

മാനന്തവാടി: പോലീസ് സേനയിലെ യുവകവി എന്ന പേരിൽ ചുരുങ്ങിയ കാലം കൊണ്ട് പ്രശസ്തനായ സാദിർ തലപ്പുഴയുടെ രണ്ടാമത്തെ കൃതി പ്രസിദ്ധീകരണത്തിന് തയ്യാറായി. ആനുകാലിക പ്രസക്തിയുള്ള അൻപതിലധികം കവിതകൾ ഉൾകൊള്ളിച്ച്, പൊലീസ് ഭാഷ തന്നെ ഉപയോഗിച്ച് ,വിശദമായ ചോദ്യം ചെയ്യൽ എന്നാണ് കവിതാ സമാഹാരത്തിന്  പേരിട്ടിരിക്കുന്നത്. പെൺ പാത്രം എന്ന ആദ്യ കൃതിക്ക് ലഭിച്ച മികച്ച പ്രതികരണത്തിന് ശേഷം കഴിഞ്ഞ ഏഴ് വർഷങ്ങൾക്കുള്ളിൽ പലപ്പോഴായി എഴുതി ,പല ആഴ്ചപതിപ്പുകളിലും   മാസികകളിലും പ്രസിദ്ധീകരിച്ചതും അല്ലാത്തതുമായ കവിതകളാണ് പുതിയ പുസ്തകത്തിലുള്ളത്.