ജനസേവനത്തിൽ കേന്ദ്രവുമായുള്ള മത്സരത്തിൽ വിജയം ആം ആദ്മി സർക്കാരിന് തന്നെയെന്ന് എം.എൽ. എ പ്രവീൺ കുമാർ ദേശ്മുഖ്

 കേരള സർക്കാർ അനുമതി നൽകിയാൽ വയനാട് ജില്ലയിലെ തവിഞ്ഞാൽ പഞ്ചായത്തിൽ    വാളാട് വെണ്ണോറയിൽ പാലം നിർമ്മിക്കുമെന്ന്    എം എൽ.എ പ്രവീൺ കുമാർ അറിയിച്ചു. വയനാടിന്റെ പുനർനിർമ്മാണ പദ്ധതിയിൽ ഈ പാലം ഉൾപ്പെടുത്താൻ  താൻ ഡൽഹി സർക്കാർ വഴി കേരള സർക്കാരിനോട് ആവശ്യപ്പെടും. 

പ്രളയാനന്തരമുള്ള ദുരിതാശ്വാസ – പുനരധിവാസ പദ്ധതിയുടെ ഭാഗമായി വയനാട് സന്ദർശിച്ച അദ്ദേഹം മാധ്യമ പ്രവർത്തകരോട് സംസാരിക്കുകയായിരുന്നു. മുഴുവൻ ആം ആദ്മി എം.എൽ.എ.മാരുടെയും എം.പി. മാരുടെയും ഒരു മാസത്തെ ശമ്പളവും ഉദ്യോഗസ്ഥരുടെ ഒരു ദിവസത്തെ വേതനവും കൂടാതെ പത്ത് കോടി രൂപയും കേരളത്തിന് ഡൽഹി സർക്കാർ നൽകിയിട്ടുണ്ടന്നും അദ്ദേഹം പറഞ്ഞു. എറണാകുളം ജില്ലയിലെ കുന്നുകര ഗ്രാമം ദത്തെടുക്കാൻ  തീരുമാനമെടുത്ത സഞ്ജയ് സിംഗിന്  പുറമെ  തന്റെ എം.എൽ. എ ഫണ്ടിൽ നിന്നും  ഒരു കോടി രൂപ കേരളത്തിന്റെ പുനരധിവാസ പ്രവർത്തനങ്ങൾക്ക് നൽകാൻ പ്രത്യേക അനുമതി തേടിയിട്ടുണ്ടന്നും  പ്രവീൺ കുമാർ എം.എൽ. എ പറഞ്ഞു.

അതിജീവന വഴിയിൽ ഡൽഹിയിൽ ആം ആദ്മി സർക്കാർ കേരളത്തിന് ഇനിയും പിന്തുണ നൽകും  നിപ്പ വൈറസ് ബാധയിൽ ജീവത്യാഗം ചെയ്ത നഴ്സ് ലിനിക്ക്  ഡൽഹി സർക്കാർ ആദരാഞ്ജലികൾ അർപ്പിക്കുകയാണ്.  ഡൽഹിയിലെ ആതുര സേവന രംഗത്ത് മലയാളി നഴ്സുമാർ നടത്തുന്ന സേവനം പ്രശംസനീയമാണെന്നും ഡൽഹി സർക്കാരിന് വേണ്ടി നഴ്സുമാരുടെ ഈ സേവനത്തിന് നന്ദി പറയുകയാണന്നും അദ്ദേഹം കൂട്ടിച്ചേർത്തു. ഡൽഹി മുഖ്യമന്ത്രി അരവിന്ദ് കെജ് രിവാൾ ലെഫ്റ്റനന്റ് ഗവർണറുടെ ഓഫീസിനു മുന്നിൽ സമരം നടത്തിയപ്പോൾ  പിന്തുണ അറിയിച്ച് അവിടെയെത്തിയ കേരള മുഖ്യമന്ത്രി പിണറായി വിജയനും അദ്ദേഹം നന്ദി പറഞ്ഞു.