ലോക്സഭാ തിരഞ്ഞെടുപ്പ്: വയനാട് മണ്ഡലത്തിൽ 1327 പോളിങ് സ്റ്റേഷനുകൾ
കൽപ്പറ്റ: ലോക്സഭ തെരഞ്ഞെടുപ്പിന് ഏഴ് നിയോജകമണ്ഡലങ്ങളിലായി 1327 പോളിങ് സ്റ്റേഷനുകളാണ് ഒരുക്കിയിരിക്കുന്നത്. കല്പ്പറ്റ 187, മാനന്തവാടി 173, സുല്ത്താന് ബത്തേരി 216, വണ്ടൂര് 205, നിലമ്പൂര് 202, ഏറനാട് 163, തിരുവമ്പാടി 178 എന്നിങ്ങനെയാണ് പോളിങ് സ്റ്റേഷനുകളുടെ എണ്ണം. ഏറനാട് 2, വണ്ടൂര് 1 ഓക്സിലറി ബൂത്തുകളും സജ്ജീകരിച്ചിട്ടുണ്ട്.
ലോക്സഭാ തിരഞ്ഞെടുപ്പില് പോളിങ് സാമഗ്രികളുടെ വിതരണത്തിനും വോട്ടെണ്ണലിനുമായി ജില്ലയില് വിതരണ-സ്വീകരണ കേന്ദ്രങ്ങള് സജ്ജീകരിച്ചു. മാനന്തവാടിയില് സെന്റ് പാട്രിക്സ് ഹയര് സെക്കണ്ടറി സ്കൂള്, ബത്തേരിയില് സെന്റ് മേരീസ് കോളേജ്, കല്പ്പറ്റയില് മുട്ടില് ഡബ്ല്യു.എം.ഒ ആര്ട്സ് ആന്ഡ് സയന്സ് കോളേജ് എന്നിവയാണ് വിതരണ-സ്വീകരണ കേന്ദ്രങ്ങളായി പ്രവര്ത്തിക്കുക.
തിരുവമ്പാടി മണ്ഡലത്തില് അല്ഫോണ്സ സീനിയര് ഹയര്സെക്കണ്ടറി സ്കൂള്, ഏറനാട് ജി.യു.പി.എസ് ചുള്ളക്കാട് മഞ്ചേരി, നിലമ്പൂര് മാര്ത്തോമ കോളേജ് ചുങ്കത്തറ, വണ്ടൂര് മാര്ത്തോമ ഹയര് സെക്കണ്ടറി സ്കൂള് ചുങ്കത്തറയുമാണ് പോളിങ് സാമഗ്രികളുടെ വിതരണ-സ്വീകരണ കേന്ദ്രങ്ങള്.
Leave a Reply