വയനാട് ചുരത്തിന്റ വീതി കൂട്ടൽ ആരംഭിച്ചു.: ഒരാഴ്ചക്കുള്ളിൽ വൺവേ ഗതാഗത സൗകര്യം

.

വയനാട് ചുരത്തിലെ ചെറിയ വാഹനങ്ങളുടെ ഗതാഗതം  നിരോധിച്ച് കോഴിക്കോട് കലക്ടറുടെ ഉത്തരവില്‍ നാലാം വളവില്‍ നിന്നും അടിവാരത്തേക്കുള്ള റോഡ് ഉള്‍പ്പെട്ടിട്ടില്ല. അത് കൊണ്ട് അത്യാവശ്യ യാത്രക്കാര്‍ക്ക് ഈ റോഡ് ഉപയോഗിക്കാം. വളരെ വീതി കുറഞ്ഞതും വലിയ കയറ്റിറക്കങ്ങളും വളവുകളുമുള്ള റോഡായതിനാല്‍ ശ്രദ്ധിച്ച് ഡ്രൈവിംഗ് ചെയ്യണം. കൂടുതല്‍ വാഹനത്തിരക്ക് വന്നാല്‍ അവിടെയും പ്രശ്നങ്ങള്‍ വന്നേക്കാമെന്നതിനാല്‍ അത്യാവശ്യക്കാര്‍ മാത്രം ഈ റോഡ് ഉപയോഗിക്കണമെന്ന് ചുരം സംരംക്ഷണ സമിതി പ്രവർത്തകർ പറഞ്ഞു.. പരമാവധി യാത്രക്ക് കെ എസ് ആര്‍ ടി സി ബസ് സൗകര്യം ഉപയോഗപ്പെടുത്തുക. കോഴിക്കോട് ഭാഗത്ത് നിന്നും ചിപ്പിലിത്തോട് വരെയും വയനാട് ഭാഗത്ത് നിന്ന് ബാംബു ഹോട്ടല്‍ വരെയും തുടര്‍ച്ചയായ സര്‍വ്വീസ് കെ എസ് ആര്‍ ടി സി നടത്തുന്നുണ്ട്. ഇതിനിടയിലുള്ള കുറഞ്ഞ ദൂരം മാത്രം നടന്നാല്‍ മതിയാകും. തകര്‍ന്ന ഭാഗത്ത്  യുദ്ധകാലാടിസ്ഥാനത്തിൽ  പ്രവൃത്തി നടന്ന് വരുന്നു.