ലോകമെമ്പാടുമുള്ള ക്രൈസ്തവര് ഇന്ന് ദുഃഖ വെള്ളി ആചരിക്കുന്നു
കൽപ്പറ്റ :ക്രിസ്തുവിന്റെ പീഡാനുഭവ സ്മരണയില് ലോകമെമ്പാടുമുള്ള ക്രൈസ്തവര് ഇന്ന് ദുഃഖ വെള്ളി ആചരിക്കുന്നു.ലോകമാകെയുള്ള ക്രിസ്തുമത വിശ്വാസികൾ ഈസ്റ്ററിന് തൊട്ടു മുന്പുള്ള വെള്ളിയാണ് ദുഃഖവെള്ളിയാഴ്ച ആയി ആചരിക്കുന്നത് . ലോകത്തിന്റെ മുഴുവന് പാപങ്ങളും ഏറ്റുവാങ്ങി സ്വയം ബലിയായ ക്രിസ്തു സഹിച്ച പീഡാനുഭവങ്ങളുടെ പരിസമാപ്തിയാണ് കുരിശു മരണം.ദേവാലയങ്ങളില് രാവിലെതന്നെ പ്രാര്ഥനകളും പ്രത്യേക ശുശ്രൂഷകളും നടക്കും . യേശു ശിഷ്യന്മാരോടൊപ്പം അന്ത്യ അത്താഴം കഴിച്ച, അവരുടെ കാലുകള് കഴുകി വിനയത്തിന്റെ ഉദാത്ത മാതൃക കാണിച്ച പെസഹാ വ്യാഴത്തിന്റെ തുടര്ന്നുള്ള ഈ ദിവസത്തില് യേശുക്രിസ്തുവിന്റെ പീഡന സഹനത്തെയും കാല്വരി മലയിലെ കുരിശു മരണത്തെയും ക്രൈസ്തവര് അനുസ്മരിക്കുന്നു.
Leave a Reply