കാട്ടുകൊമ്പനെ മയക്ക് വെടിവെച്ച് റേഡിയോ കോളർ ഘടിപ്പിച്ച് വനത്തിൽ വിട്ടു

ബത്തേരി:ജനങ്ങളുടെ  പേടിസ്വപ്നമായിരുന്ന   കാട്ടുകൊമ്പനെ പിടികൂടി റേഡിയോ കോളർ ഘടിപ്പിച്ച് വനത്തിൽ വിട്ടു –  ഒരു മാസം  മുമ്പ് വനം വകുപ്പ് – വാച്ചറെ കുത്തിക്കൊലപ്പെടുത്തി വടക്കനാട് പ്രദേശത്തെ ജനങ്ങളുടെ ഉറക്കം കെടുത്തിക്കൊണ്ടിരുന്ന കൊമ്പനെ ഇന്നലെ വനം വകുപ്പ് മയക്ക് വെടിവെച്ച് പിടികൂടി റേഡിയോ ,കോളർ ഘടിപ്പിച്ച ശേഷം  വനത്തിലേക്ക് വിട്ടയച്ചു.മുത്തങ്ങ റേഞ്ചിലെ വടക്കനാട് – 50- ഏക്കറിൽ ഇന്നലെ രാവിലെ തന്നെ കാണപ്പെട്ട കൊമ്പനെ വൈൽഡ് ലൈഫ് വാർഡൻ – എൻ – പി – ജയന്റെയും അസി: വൈൽഡ്‌ലൈഫ് വാർഡൻമാരുടെയു നേതൃത്വത്തിൽ വെറ്ററിനറി ഡോക്ടർമാരായ അരുൺ സക്കറിയ ,.എ .അരുൺ,.മിഥിൻ മാധവ് എന്നീ ഡോക്ടർമാരുടെ നേതൃത്വത്തിലാണ് മയക്കുവെടി വെച്ചത് .രാവിലെ 8 മണിക്കാണ് ആദ്യ വെടിവെച്ചത് .ഒരു മണിക്കൂർ കഴിഞ്ഞിട്ടും ആനയ്ക്ക് മയക്കം വരാത്തതിനെ തുടർന്ന് 9: ന് രണ്ടാമത്തെ മയക്ക് വെടി നൽകിയതോടെടെയാണ് കാട്ടു കൊമ്പന്  നേരിയ മയക്കം തുടങ്ങിയത് .മുത്തങ്ങ ആന പന്തിയിലെ താപ്പാനകളായ കുഞ്ചു – പ്രമുഖ എന്നിവരുടെ സഹായത്തോടെ കാലിന് വടം കെട്ടി കൊമ്പനെ ഉയർത്തികഴുത്തിൽ റേഡിയോ കോളർ പിടിപ്പിച്ചു.ഉച്ചയ്ക്ക് 12 മണിയോടെ മയക്കം മാറാൻ ഇഞ്ചക്ഷൻ നൽകി. വെള്ളം ഒഴിച്ച് തണുപ്പിച്ച ശേഷം കാലിലെ വടം അഴിച്ച് മാറ്റി കാട്ടിലേക്ക് വിടുകയായിരുന്നു.