ഇന്ന് ഹിരോഷിമ ദിനം
ഇന്ന് ഹിരോഷിമ ദിനം. ലോകത്താദ്യമായി അണുബോംബ് വര്ഷിച്ചതിന്റെ എഴുപത്തിമൂന്നാം വാര്ഷികമാണ് ഇന്ന്. 1945 ആഗസ്റ്റ് ആറിന് രാവിലെ 8:15നായിരുന്നു ഹിരോഷിമയില് അമേരിക്ക അണുബോംബ് വര്ഷിച്ചത്.
ജപ്പാന്റെ ചരിത്രത്തിലെ എക്കാലത്തേയും കറുത്ത അധ്യായമായ ഹിരോഷിമയിലെ അണുബോംബ് വര്ഷത്തില് 90000-160000 ഇടയില് ആള്നാശം ഉണ്ടായതായാണ് കണക്കാക്കുന്നത്. ഹിരോഷിമയിലെ ബോംബാക്രമണം മൂലമുണ്ടായ ആണവ വികിരണത്തിന്റെ ദോഷഫലങ്ങള് അനന്തര തലമുറകള്ക്കും അനുഭവിക്കേണ്ടി വന്നു.
1945 ആഗസ്ത് 6 തിങ്കളാഴ്ച രാവിലെ വടക്കൻ പസഫക്കിൽ നിന്ന് എനോളഗേ ബി 29 എന്ന അമേരിക്കന് യുദ്ധ വിമാനം ചെകുത്താനേപ്പോലെ പറന്നുയര്ന്നു ഉളളിൽ 12 സൈനികരും പുറത്ത് ഒരു കൊളുത്തിൽ തൂങ്ങി മൂന്നു മീറ്റർ നീളവും 4400 കിഗ്രാം ഭാരവുമുള്ള സര്വ്വസംഹാരിയായ ലിറ്റില് ബോയ് എന്ന് മാരക വിഷവിത്തുമായി. ആ ചെകുത്താന്മാര് 1500 മൈലുകള്ക്കപ്പുറമുള്ള ജപ്പാനെ ലക്ഷ്യമാക്കി കുതിച്ചുപാഞ്ഞു. പതിവുപോലെ ജനം മാര്ക്കറ്റുകളിലും ജോലിസ്ഥലത്തേക്കും പാഞ്ഞുകൊണ്ടിരിക്കുകയായിരുന്നു. അപ്പോളാണ് വ്യോമാക്രമണ ഭീഷണിയുടെ സൈറണ് മുഴങ്ങിയത്. എല്ലവരും ട്രഞ്ചുകളില് ഒളിച്ചു.
യുദ്ധവിമാനത്തിലെ ക്യാപ്റ്റൻ വില്യം എസ് പാർസൻ എന്ന സൈനികന് ഹിരാഷിമ നഗരത്തിലെത്തിയപ്പോൾ ലിറ്റിൽ ബോയിയെ വേർപെടുത്തി. ഹിരോഷിമ നഗരത്തിലെ AIOI പാലമായിരുന്നു അതിന്റെ ലക്ഷ്യം. വിമാനം അതിന്റെ ലക്ഷ്യത്തിലേക്ക് അടുത്ത് വന്നു കൊണ്ടിരുന്നു. ക്യാപ്റ്റന് വില്ല്യം .S.പാര്സന്സിന്റെ കണക്കുകൂട്ടല് പാളി. പാലത്തില് നിന്നും 800 അടി മാറിയാണ് ബോംബ് പതിച്ചത്. അതിഭയങ്കരമായ ചൂടില് ഹിരോഷിമ ഉരുകി തിളച്ചു. പാലം ഉരുകി ഒലിച്ചു പോയി.
എന്താണ് സംഭവിച്ചതെന്നറിയാതെ ഒരു നിമിഷം ജനം പകച്ചു നിന്നു. എവിടെയും അഗ്നി ഗോളങ്ങള്. ആകാശത്തിന്റെ ഉയരങ്ങളിലേക്ക് വളര്ന്നു പന്തലിക്കുന്ന കൂണ് മേഘങ്ങള്. കാതു തുളക്കുന്ന പൊട്ടിത്തെറിയുടെ ശബ്ദം.പച്ച മാംസം കരിഞ്ഞതിന്റെ മനം മടുപ്പിക്കുന്ന ഗന്ധം . സ്വപ്നങ്ങളെല്ലാം തകര്ന്നടിയുന്നതിന്റെ ഹൃദയഭേദകമായ നിലവിളി. മനുഷ്യന്റെയും മൃഗങ്ങളുടെയും കത്തിക്കരിഞ്ഞ അസ്ഥികൂടങ്ങള്. ശരീരമാസകലം പൊളളലേറ്റമനുഷ്യ രൂപങ്ങള്. .
എനോളഗേ എന്ന അമേരിക്കന് ബോംബര് വിമാനമാണ് ഹിരോഷിമയില് ‘ലിറ്റില് ബോയ്’ എന്ന ആണു ബോംബ് വര്ഷിച്ചത്. 70000 പേര് തല്ക്ഷണം കൊല്ലപ്പെട്ടു എന്നാണ് റിപ്പോര്ട്ട്. ബോംബ് വര്ഷത്തിന്റെ റേഡിയേഷന് പിന്നെയും മാസങ്ങളൊളം നില നിന്നു. റേഡിയേഷന് അതിപ്രസരം മൂലം ഒന്നര ലക്ഷത്തോളം ആളുകള് മരിച്ചതായി വിലയിരുത്തപ്പെടുന്നു. അതിലുമധികം ആളുകള് അംഗവൈകല്യം സംഭവിച്ചവരുമായി.
മൂന്നു ദിവസത്തിന് ശേഷം ആഗസ്റ്റ് ഒന്പതിന് നാഗസാക്കിയിലും അമേരിക്ക അണുബോംബ് വര്ഷിച്ചു. ആദ്യ ബോംബാക്രമണത്തില് കൊല്ലപ്പെട്ട അത്രയും തന്നെ ആളുകള് ഈ ആക്രമണത്തിലും കൊല്ലപ്പെട്ടു. അഗസ്റ്റ് 15ന് ജപ്പാന് കീഴടങ്ങല് പ്രഖ്യാപിച്ചു. ഇതോടെ നാലുവര്ഷം നീണ്ടുനിന്ന രണ്ടാം ലോകമഹായുദ്ധത്തിന് വിരാമമായി. പിന്നീട് ജപ്പാന് അമേരിക്കയുടെ ഏറ്റവും സഖ്യകക്ഷികളിലൊന്നായി തീര്ന്നു എന്നത് വിരോധാഭാസം മാത്രം.
അടങ്ങാത്ത യുദ്ധാർത്തി ആർത്തനാദത്തിന് വഴിവച്ചു. ലോകത്തിന്റെ തന്നെ ശ്വാസഗതി നിലച്ച നിമിഷങ്ങൾ. മരിച്ചുവീണത് ഒരുലക്ഷത്തിലേറെപ്പേർ. അണുവികിരണത്തിൽപ്പെട്ട് ജനിതക വൈകല്യങ്ങളിലേയ്ക്ക് മരിച്ചു വീണത് 2 ലക്ഷത്തോളം പേർ. യുദ്ധത്തിൽ അടിയറവു പറയാൻ തയ്യാറായ രാജ്യത്തിന്റെ മേലാണ് ഈ ചെയ്തി എന്നോർക്കണം. എന്നാല് യുദ്ധക്കൊതി തലയ്ക്കുപിടിച്ച ചെകുത്താന്മാര്ക്ക് മതിയായിരുന്നില്ല. അവര് മൂന്നു ദിവസത്തിന് ശേഷം ആഗസ്റ്റ് ഒന്പതിന് നാഗസാക്കിയിലും അണുബോംബ് വര്ഷിച്ചു. ആദ്യ ബോംബാക്രമണത്തില് കൊല്ലപ്പെട്ട അത്രയും തന്നെ ആളുകള് ഈ ആക്രമണത്തിലും കൊല്ലപ്പെട്ടു. അഗസ്റ്റ് 15ന് ജപ്പാന് കീഴടങ്ങല് പ്രഖ്യാപിച്ചു. ഇതോടെ നാലുവര്ഷം നീണ്ടുനിന്ന രണ്ടാം ലോകമഹായുദ്ധത്തിന് വിരാമമായി.
അണു വിഘടന സിദ്ധാന്തം കണ്ടുപിടിച്ചവരും ആറ്റം ബോംബുണ്ടാക്കിയവരും പിന്നിൽ പ്രവർത്തിച്ചവരെല്ലാം പിന്നീട് തെറ്റ്എ റ്റു പറഞ്ഞു. കുറ്റബോധത്താൽ കാരുണ്യ പ്രവർത്തനങ്ങളിൽ മുഴുകി. ശേഷം, ആ നഗരത്തിൽ ജനിച്ചു വീണ കുഞ്ഞുങ്ങൾ പോലും ദുരന്തങ്ങളുടെ നോവ് പേറി. പക്ഷെ ഹിരോഷിമ വരണ്ടുപോയില്ല. പൂത്തു. തളിർത്തു. ഒരു ജനതയുടെ 70 വർഷം നീണ്ട അർപ്പണത്തിന്റെ സാക്ഷ്യമാണിന്ന് ഇന്ന് ഈ നഗരം. മനുഷ്യന്റെ ജീവിതതൃഷ്ണയ്ക്കും നിശ്ചയദാർഢ്യത്തിനും ഏറ്റവും വലിയ ഉദാഹരണമാണ് ഇന്ന് ലോകത്തെ സുന്ദരമായ നഗരങ്ങളിലൊന്നായി അറിയപ്പെടുന്ന ഹിരോഷിമ.
വര്ഷങ്ങള് ഒരുപാട് കഴിഞ്ഞപ്പോള് ഹിരോഷിമ ദുരന്തത്തിലേക്ക് വീണ്ടും തിരിഞ്ഞു നോക്കുമ്പോള് ഇനിയൊരു നാഗസാക്കിയും ഹിരോഷിമയും ലോകത്ത് ആവര്ത്തിക്കരുതേ എന്നാണ് ലോക ജനതയുടെ പ്രാര്ത്ഥന.
യുദ്ധങ്ങള് ഒരിക്കലും പ്രശ്നങ്ങള് തീര്ക്കില്ല. എല്ലായിടത്തും വിജയിക്കാനായി ലോക രാഷ്ട്രങ്ങള് മനുഷ്യരുടെ ജീവന് വെച്ച് പന്താടരുതെന്നും ഹിരോഷിമ ദുരന്തം ഓര്മിപ്പിക്കുന്നു.
സ്നേഹവും സമാധാനവുമാണ് രാഷ്ട്രങ്ങളെ കീഴടക്കാനുള്ള ഏറ്റവും നല്ല ആയുധങ്ങള്….
എഴുത്ത് :- ഷെഹ്ന ഷെറീൻ
Leave a Reply