അതിർത്തി വഴി കഞ്ചാവ് ഒഴുകുന്നു: ഒരാഴ്ചക്കിടെ പിടി കൂടിയത് 10 കിലോ കഞ്ചാവ് .

കൽപ്പറ്റ: ബത്തേരി മേഖലയില്‍ കഴിഞ്ഞ ഒരാഴ്ച്ചക്കിടെ 10 കിലോ കഞ്ചാവാണ് എക്സൈസും പൊലീസും ചേര്‍ന്ന് പിടികൂടിയത്. സംഭവുമായി ബന്ധപ്പെട്ട് നാലുപേരയും അറസ്റ്റു ചെയ്തിരുന്നു. നാലുകേസുകളില്‍ നിന്നാണ് ഇത്രയും കഞ്ചാവ് പിടികൂടിയത്. ഇക്കഴിഞ്ഞ 17ന് മുത്തങ്ങ എക്സൈസ് ചെക്ക്പോസ്റ്റില്‍ വാഹനപരിശോധനക്കിടെ ബസ്സില്‍ നിന്നും ആളില്ലാത്തനിലയില്‍ ഒന്നരകിലോ കഞ്ചാവ് പിടികൂടി. പിന്നീട് 20-ാം തീയ്യതി ബത്തേരി പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ കെ.എസ്.ആര്‍.ടി.സി ഗ്യാരേജിന് സമീപത്തുവെച്ച് കാസര്‍കോട് സ്വദേശിയെ 1കിലോ 350 ഗ്രാം കഞ്ചാവുമായി പിടികൂടി.