കൽപ്പറ്റ: എൻ. രാജേഷ് സ്മാരക പുരസ്കാരം പി. കൃഷ്ണമ്മാളിന്
കൽപ്പറ്റ: മുതിർന്ന മാധ്യമപ്രവർത്തകനും (മാധ്യമം ന്യൂസ് എഡിറ്റർ) കേരള പത്രപ്രവർത്തക യൂനിയൻ സംസ്ഥാന നേതാവുമായിരുന്ന എൻ.രാജേഷിന്റെ സ്മരണാർഥം മാധ്യമം ജേർണലിസ്റ്റ്സ് യൂനിയൻ ഏർപ്പെടുത്തിയ പ്രഥമ എൻ.രാജേഷ് സ്മാരക പുരസ്കാരം പ്രമുഖ തൊഴിലാളി നേതാവും ഡൽഹി കർഷക സമരാംഗവുമായ പി.കൃഷ്ണമ്മാളിന്. തൊഴിലാളികളുടെ ന്യായമായ അവകാശങ്ങൾക്കായി അധികാര കേന്ദ്രങ്ങേളാട് ഒട്ടും രാജിയാവാതെ ധീരമായി നിലകൊണ്ട ട്രേഡ് യൂനിയൻ പ്രവർത്തക എന്ന നിലയിലാണ് കൃഷ്ണമ്മാൾ അവാർഡിനർഹയായത്. അഡ്വ.തമ്പാൻ തോമസ്, എം.സുചിത്ര, എൻ.പി രാജേന്ദ്രൻ എന്നിവരടങ്ങുന്ന ജൂറിയാണ് അവാർഡ് ജേതാവിനെ തെരഞ്ഞെടുത്തത്. 25,000 രൂപയും ഫലകവും പ്രശസ്തി പത്രവും അടങ്ങുന്നതാണ് പുരസ്കാരം. എൻ.രാജേഷിെൻറ ഒന്നാം ചരമ വാർഷിക ദിനമായ സെപ്റ്റംബർ 13ന് തിങ്കളാഴ്ച രാവിലെ 11ന് കോഴിക്കോട് അളകാപുരി ഓഡിറ്റോറിയത്തിൽ നടക്കുന്ന ചടങ്ങിൽ പ്രതിപക്ഷ നേതാവ് വി.ഡി സതീഷൻ പുരസ്കാര ദാനം നിർവഹിക്കും. ചടങ്ങിൽ എൻ.രാജേഷ് സ്മാരക പ്രഭാഷണവും നടക്കും.
കേരളത്തിലെ ട്രേഡ് യൂനിയൻ രംഗത്ത് വിശേഷിച്ചും അസംഘടിതമേഖലാ തൊഴിലാളികള്ക്കിടയിൽ നിരന്തരമായ പോരാട്ടത്തിലൂടെ ശ്രദ്ധപിടിച്ചു പറ്റിയ നേതാവാണ് പി കൃഷ്ണമ്മാൾ. കേരളത്തിൽ വിവിധ മേഖലകളിൽ അസംഘടിതരായി കഴിയുന്ന ആയിരക്കണക്കിന് തൊഴിലാളികളെ സംഘടിപ്പിക്കുകയും യൂനിയനുകൾ രൂപീകരിക്കുകയും 72ാം വയസ്സിലും അവരുടെ അവകാശസമരങ്ങള്ക്ക് നേതൃത്വം കൊടുത്തുകൊണ്ടിരിക്കുകയും ചെയ്യുന്നു. ദേശീയ തലത്തിൽ പ്രവര്ത്തിക്കുന്ന അസംഘടിത മേഖലയിലുള്ള തൊഴിലാളി സംഘടനയായ ന്യൂ ട്രേഡ് യൂനിയൻ ഇനീഷ്യേറ്റീവിന്റെ(എൻ.ടി.യു.െഎ) കേന്ദ്ര കമ്മറ്റി അംഗമാണ്. എം.സി.പി.െഎ (യു)െന്റ േക്രന്ദകമ്മിറ്റിയിലും പ്രവർത്തിക്കുന്നു. ഡൽഹിയിൽ കർഷക സമരത്തിലും സജീവ സാന്നിധ്യമായിരുന്നു. സമര നേതാവ് രാകേഷ് ടികായത്ത് കൃഷ്ണമ്മാളിനെ സമരഭൂമിയിലെ ‘അയേൺ ലേഡി’ എന്നാണ് വിശേഷിപ്പിച്ചത്.
വാർത്താസമ്മേളനത്തിൽ മാധ്യമം ജേർണലിസ്റ്റ് യൂനിയൻ സംസ്ഥാന വൈസ് പ്രസിഡൻറ് എ.വി ഷെറിൻ, സെക്രട്ടറി പി.പി ജുനുബ്, നിർവാഹക സമിതി അംഗങ്ങളായ എം.ഫിറോസ്ഖാൻ, ഹാഷിം എളമരം, ബിജുനാഥ്, സുൽഹഫ് എന്നിവർ പെങ്കടുത്തു.
Leave a Reply