പുനർനിർമ്മാണ പദ്ധതികൾക്ക് ശാസ്ത്രീയ സമീപനവും പരിസ്ഥിതി സംരക്ഷണ നയ പരിപാടികളും വേണമെന്ന് പരിഷത്ത്
പരിഷത്ത് കൽപ്പറ്റ മേഖലാ വാർഷികം സമാപിച്ചു .
പ്രളയാനന്തര കേരളത്തിന്റെ പുനർ നിർമ്മാണത്തിന് ശാസ്ത്രീയ സമീപനത്തിലും പരിസ്ഥിതി സംരക്ഷണത്തിലും ഊന്നിയ നയ പരിപാടികൾ ആവിഷ്ക്കരിക്കണമെന്ന ആഹ്വാനവുമായി കൽപ്പറ്റ മേഖല വാർഷികം മാനിവയലിൽ സമാപിച്ചു .
പരിഷത്ത് കേന്ദ്ര നിർവാഹക സമിതി അംഗവും കോഴിക്കോട് സർവകലാശാല ലൈഫ് സയൻസ് വിഭാഗം മേധാവിയുമായ ഡോ ബി എസ് ഹരികുമാർ ആണ് സമ്മേളനം ഉദ്ഘാടനം ചെയ്തത് .
*സമകാലീന നവോത്ഥാന ചിന്തകൾ* എന്ന വിഷയത്തിൽ ആയിരുന്നു അദ്ദേഹത്തിന്റെ പ്രഭാഷണം .
എം കെ ദേവസ്യ അധ്യക്ഷത വഹിച്ചു .
പ്രൊ കെ ബാലഗോപാലൻ, ടി പി കമല , സി കെ വർഗീസ് എന്നിവർ സംസാരിച്ചു .
തുടർന്ന് പ്രതിനിധി സമ്മേളനം മേപ്പാടി ഗ്രാമ പഞ്ചായത്ത് അംഗം പി സഹിഷ്ണ ഉദ്ഘാടനം ചെയ്തു .
മേഖല പ്രസിഡന്റ് എം കെ ദേവസ്യ അധ്യക്ഷത വഹിച്ചു .
സെക്രട്ടറി ടി പി കമല പ്രവർത്തന റിപ്പോർട്ടും വരവ് ചിലവ് കണക്കും അവതരിപ്പിച്ചു
ജില്ലാ സെക്രട്ടറി പി ആർ മധുസൂദനൻ സംഘടനാ രേഖ അവതരിപ്പിച്ചു.
ജില്ലാ വൈസ് പ്രസിഡന്റ് കെ ടി ശ്രീവത്സൻ , എം ദേവകുമാർ , സുമ വിഷ്ണുദാസ് , പി അനിൽ കുമാർ, സി എം സുമേഷ്, എ.കെ മത്തായി, സി കെ വർഗീസ്, രാജു ജോസഫ് എന്നിവർ സംസാരിച്ചു .
പുതിയ ഭാരവാഹികൾ
പ്രസിഡന്റ്
കെ വിശാലാക്ഷി
വൈസ് പ്രസിഡന്റ്
കെ ശിവദാസൻ
സെക്രട്ടറി
കെ കെ രാമകൃഷ്ണൻ
ജോ സെക്രട്ടറി
പി ജെ ജോമിഷ്
ട്രഷറർ
എം പി മത്തായി
Leave a Reply