ബാണാസുര ഡാം കാണാൻ പോകാം.. പക്ഷേ മീൻ പിടിക്കരുത്: പൊലീസ് നിരീക്ഷണം ശക്തമാക്കി.

കൽപ്പറ്റ: കനത്ത മഴയിൽ ജലനിരപ്പ് ഉയർന്നതിനെ തുടർന്ന് ബാണാസുര സാഗർ ഡാമിന്റെ മൂന്ന് ഷട്ടറുകളും തുറന്നു. ഞായർ ,തിങ്കൾ ദിവസങ്ങളിലായി  ഒരു മീറ്ററും പത്ത് സെന്റീമീറ്ററുമാണ് ഷട്ടറുകൾ ഉയർത്തിയത്. ഓരോ നാല് മണിക്കൂറിലും ജലനിരപ്പ് പരിരോധിച്ച് കൂടുതൽ ഉയർത്തുകയാണ് ചെയ്യുന്നത്. മഴ തുടരുന്നതിനാൽ വൃഷ്ടി പ്രദേശങ്ങളിൽ നിന്നുള്ള നീരൊഴുക്ക് വർദ്ധിച്ചിട്ടുണ്ട്. മൂന്ന് ഷട്ടറുകളിലൂടെ വെള്ളം തുറന്ന് വിടുന്നത് മതിയാകാതെ വന്നാൽ അടിയന്തര ഘട്ടത്തിൽ നാലാമത്തെ ഷട്ടറും തുറക്കേണ്ടി വരുമെന്ന് കെ.എസ്. ഇ .ബി. അസിസ്റ്റൻറ് എക്സിക്യുട്ടീവ് എഞ്ചിനീയർ പറഞ്ഞു.