വയനാട്ടിലെ പ്രളയക്കെടുതി: രക്ഷാപ്രവർത്തനം തുടരുന്നു: പതിനായിരത്തിലേറെ പേരെ ക്യാമ്പിലേക്ക് മാറ്റി.

കൽപ്പറ്റ: വയനാട്ടിലെ പ്രളയക്കെടുതിക്ക് ശമനമില്ല. നാല് പേർ മരിക്കുകയും 18 വീടുകൾ പൂർണ്ണമായി തകരുകയും ചെയ്ത ദുരിതത്തിൽ 530 വീടുകൾ ഭാഗികമായി തകർന്നു. 127 ദുരിതാശ്വാസ ക്യാമ്പുകളിലായി പതിനായിരത്തിലധികം പേരെ (10400) മാറ്റി താമസിപ്പിച്ചു. ഈ മഴക്കാലത്ത് ഇത് വരെ 2669.27 മില്ലിമീറ്റർ മഴ ലഭിച്ചു. കാരാപ്പുഴയിൽ സമുദ്ര നിരപ്പിൽ നിന്ന്   758.2 മീറ്റർ ഉയരത്തിലും ബാണാസുര സാഗർ ഡാമിൽ 775.6 മീറ്റർ ഉയരത്തിലും ജലനിരപ്പ് ഉയർന്നതിനെ തുടർന്ന് ഷട്ടറുകൾ ഉയർത്തിയതാണ് ദുരിതം വർദ്ധിച്ചത്.