തെരഞ്ഞെടുപ്പ് നടത്തിപ്പിനായി അസിസ്റ്റന്റ് റിട്ടേണിങ് ഓഫീസര്‍മാരെ നിയമിച്ചു.

അസിസ്റ്റന്റ് റിട്ടേണിങ് ഓഫീസര്‍മാരെ നിയമിച്ചു  

     വയനാട് ലോക്‌സഭാ മണ്ഡലത്തിന്റെ ഭാഗമായ ജില്ലയിലെ നിയോജകമണ്ഡലങ്ങളിലെ തെരഞ്ഞെടുപ്പ് നടത്തിപ്പിനായി അസിസ്റ്റന്റ് റിട്ടേണിങ് ഓഫീസര്‍മാരെ നിയമിച്ചു. മാനന്തവാടി നിയോജകമണ്ഡലത്തില്‍ സബ്കളക്ടര്‍ എന്‍.എസ്.കെ ഉമേഷാണ് (04935 240222) അസിസ്റ്റന്റ് റിട്ടേണിങ് ഓഫീസര്‍. സുല്‍ത്താന്‍ ബത്തേരി നിയോജകമണ്ഡലത്തില്‍ ലാന്റ് അക്വിസിഷന്‍ ഡെപ്യൂട്ടി കളക്ടര്‍ ടി.ജനില്‍കുമാര്‍ (04936 202251), കല്‍പറ്റ നിയോജകമണ്ഡലത്തില്‍ എല്‍.ആര്‍. ഡെപ്യൂട്ടി കളക്ടര്‍ റോഷ്ണി നാരായണന്‍ (04936 202251) എന്നിവരെയും  അസിസ്റ്റന്റ് റിട്ടേണിങ് ഓഫീസര്‍മാരായി നിയോഗിച്ചു. വയനാട് ലോക്‌സഭ മണ്ഡലത്തില്‍ ഉള്‍പ്പെടുന്ന മലപ്പുറം, കോഴിക്കോട് ജില്ലകളിലെ നിയമസഭ മണ്ഡലങ്ങളായ ഏറനാട്, നിലമ്പൂര്‍, വണ്ടൂര്‍, തിരുവമ്പാടി നിയോജക മണ്ഡലങ്ങളിലേക്കുള്ള അസിസ്റ്റന്റ് റിട്ടേണിങ് ഓഫീസര്‍മാരെയും ചുമതലപ്പെടുത്തിയിട്ടുണ്ട്. ഏറനാട് മണ്ഡലത്തില്‍ മലപ്പുറം ജില്ലാ സപ്ലൈ ഓഫീസര്‍ വി.വി.സുനില (ഫോണ്‍ 0483 2734912), നിലമ്പൂരില്‍ ഡി.എഫ്.ഒ മലപ്പുറം നോര്‍ത്ത് വര്‍ക്കേഡ് യോഗേഷ് നീലകണ്ഡ് ഐ.എഫ്.എസ് (04931 220232) വണ്ടൂര്‍ മണ്ഡലത്തില്‍ ഡി.എഫ്.ഒ മലപ്പുറം സൗത്ത് വി. സജികുമാര്‍ (04931 220392) എന്നിവര്‍ക്കാണ് ചുമതല. തിരുവമ്പാടി നിയോജകമണ്ഡലത്തില്‍ കോഴിക്കോട് ജില്ലാ സപ്ലൈ ഓഫീസര്‍ അയ്യപ്പദാസാണ് (0495 2370655) അസിസ്റ്റന്റ് റിട്ടേണിങ് ഓഫീസര്‍.