വലയ സൂര്യഗ്രഹണം കാണാനൊരുങ്ങി ചേകാടി ഗ്രാമവും

വലയ സൂര്യഗ്രഹണം കാണാനൊരുങ്ങി ചേകാടി ഗ്രാമവും

കൽപ്പറ്റ: 

പുൽപ്പള്ളി ചേകാടിയിൽ വലയ സൂര്യഗ്രഹണം; എന്ത്? എങ്ങനെ? എന്ന വിഷയത്തിൽ ഗോത്രവർഗ്ഗ വിഭാഗങ്ങളിൽ ഉള്ളവർക്കായി ക്ലാസും കണ്ണട വിതരണവും നടന്നു. ടോട്ടം റിസോഴ്‌സ് സെന്ററും കോഴിക്കോട് പ്ലാനിറ്റോറിയവും ചേർന്നാണ് ചേകാടി എൽ.പി. സ്‌കൂളിൽ അടിയ, പണിയ വിഭാഗത്തിൽ ഉള്ളവർക്കായി ക്ലാസ് സംഘടിപ്പിച്ചത്. ടോട്ടം റിസോഴ്‌സ് സെന്റർ കോർഡിനേറ്റർ ജയ്ശ്രീകുമാർ , അജ്മൽ ബാസിൽ എന്നിവർ സൂര്യഗ്രഹണത്തെ കുറിച്ച് വിശദീകരിച്ചു. ട്രൈബൽ പ്രമോട്ടർമാരായ രാഖി, സുകുമാരൻ എന്നിവരും പരിപാടിയിൽ സന്നിഹിതരായിരുന്നു. ഡിസംബർ 26നു ചേകാടി സ്‌കൂളിൽ പ്രമോട്ടർമാരുടെ നേതൃത്വത്തിൽ സൂര്യഗ്രഹണ നിരീക്ഷണം ഉണ്ടാവും.

*വളണ്ടിയർ മീറ്റിങ്*

ആയിരക്കണക്കിന് ആളുകളുടെ പങ്കാളിത്തം പ്രതീക്ഷിക്കുന്ന സൂര്യഗ്രഹണ മഹാസംഗമത്തിന് ആവശ്യമായ സഹായങ്ങൾ ചെയ്തുനല്കാൻ താൽപര്യമുള്ളവരെ ട്ടോട്ടം റിസോഴ്‌സ് സെന്റർ തിങ്കളാഴ്ച (23-12-2019) വൈകീട്ട് 3.30 ന് കൽപറ്റ ജില്ലാ ലൈബ്രറിയിൽ വെച്ചു നടക്കുന്ന വളന്റീയർ മീറ്റിലേക്ക് സ്വാഗതം ചെയ്യുന്നു.

കൂടുതൽ വിവരങ്ങൾക്ക്:

ജയ്ശ്രീകുമാർ

9496612577