തക്കാളിപെട്ടിക്കുള്ളിൽ കർണാടക മദ്യം കടത്തിയ രണ്ട് പേർ പിടിയിൽ

ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ജില്ലാ നാർക്കോട്ടിക്ക് സെൽ ഡി.വൈ.എസ്.പി അബ്ദുൾ വഹാബിന്റെ നിർദ്ദേശ പ്രകാരം ജില്ലാ ലഹരി വിരുദ്ധ സ്ക്വാഡ് അംഗങ്ങളും , തിരുനെല്ലി എസ്.ഐ ദിനേശനും സംഘവും ബാവലി ചെക്ക് പോസ്റ്റിൽ വെച്ച് നടത്തിയ വാഹന പരിശോധനയിൽ ഗുഡ്സ് വാഹനത്തിലെ പച്ചക്കറി ലോഡിന്റെ മറവിൽ കടത്തുകയായിരുന്നു. 60 ലിറ്റർ കർണ്ണാടക നിർമ്മിത വിദേശ മദ്യമാണുണ്ടായിരുന്നത് . ഒരു ലിറ്ററിന്റെ 60 മദ്യ കുപ്പികൾ പച്ചക്കറി ട്രേയിൽ നിരത്തിയ ശേഷം തക്കാളി , ഉള്ളി തുടങ്ങിയവക്കിടയിൽ ഒളിപ്പിച്ച് കടത്തുകയായിരുന്നു .