ക്ഷീര കർഷക സംഗമം – വരദൂർ ക്ഷീര സംഘത്തിന്റെ സുവർണ്ണ ജൂബിലിയും 22, 23 തിയതികളിൽ

 23 ശനിയാഴ്ച രാവിലെ നടക്കുന്ന ക്ഷീര വികസന സെമിനാറിൽ

മൃഗ ചികിത്സയിലെ നാട്ടറിവുകൾ എന്ന വിഷയത്തിൽ ഡോ.എസ്.ഷൺമുഖവേൽ ക്ലാസ്സ്

നയിക്കും. .

 രാവിലെ 11.30 മണിക്ക് നടക്കുന്ന പൊതുസമ്മേളനത്തിൽ ജില്ലാ

ക്ഷീര കർഷക സംഗമത്തിന്റെയും, വരദൂർ ക്ഷീര സംഘം സുവർണ്ണ ജൂബിലി

ആഘോഷങ്ങളുടേയും സംയുക്ത ഉദ്ഘാടനം  കേരള കൃഷി വകുപ്പ് മന്ത്രി 

വി.എസ്. സുനിൽകുമാർ അവർകൾ നിർവ്വഹിക്കുന്നു. ബഹു. എം.എൽ.എ.

.ഐ.സി.ബാലകൃഷ്ണൻ യോഗത്തിന് അദ്ധ്യക്ഷത വഹിക്കുന്നു. കേരളത്തിൽ

ആദ്യമായി ക്ഷീര സംഘങ്ങളുടെ മൊത്തം പ്രവർത്തനത്തിന് അന്തർദേശീയ അംഗീകാരം

ലഭിച്ച വരദൂർ, സുൽത്താൻ ബത്തരി ക്ഷീര സംഘങ്ങളെ  മന്ത്രി ആദരിക്കുന്നു.

ജില്ലയിലെ മികച്ച കർഷകനായ .മോഹൻദാസ് എം.വി. യെ (3.48 ലക്ഷം ലിറ്റർ പാൽ)

.സി.കെ.ശശീന്ദ്രൻ എം.എൽ.എ.യും മികച്ച വനിതാ കർഷകയായ  ലില്ലി

മാത്യുവിനെ(1.72 ലക്ഷം ലിറ്റർ പാൽ) ശ്രീ.ഒ.ആർ.കേളു എം.എൽ.എ.യും മികച്ച പട്ടിക

വിഭാഗ കർഷകനായ  കരിയൻ(21589 ലിറ്റർ പാൽ) -നെ ജില്ലാ പഞ്ചായത്ത് പ്രസിഡന്റ്

 കെ.ബി.നസീമയും ആദരിക്കും.

– "ഡൊണേറ്റ് എ കൗ' എന്ന ആശയത്തിലൂടെ 300 കറവപശുക്കളെ പ്രളയാനന്തരം

വയനാടിന് ലഭിക്കുകയുണ്ടായി. പ്രസ്തുത ആശയം മുന്നോട്ടുവെച്ച ക്ഷീര വികസന

ഓഫീസർ  വി.എസ്.ഹർഷയേയും പശുക്കളെ ദാനം ചെയ്തു റീച്ചിംഗ് ഹാന്റ്

ചെയർമാൻ   സാമുവൽ എന്നിവരെയും ബഹു. ജില്ലാ കളക്ടർ ഡോ. അദീല അബ്ദുള്ള

ആദരിക്കുന്നു. ജില്ലയിലെ മികച്ച ക്ഷേമനിധി കർഷകനായ  അബ്ദുൾ റഷീദ്

തരിയാടിനെ ക്ഷീര കർഷക ക്ഷേമനിധി ചെയർമാൻ അഡ്വ.എൻ.രാജനും ജില്ലയിലെ

കൂടുതൽ പാൽ സംഭരിച്ച സംഘമായി തെരഞ്ഞെടുത്ത സുൽത്താൻ ബത്തരി മിൽക്ക്

 സൊസൈറ്റിയെ (1.08 കോടി ലിറ്റർ) സംസ്ഥാന ക്ഷീര വികസന വകുപ്പ്

ഡയറക്ടർ  എസ്. ശ്രീകുമാറും ആദരിക്കുന്നതാണ്.

– കന്നുകാലി പ്രദർശനത്തിലെ മത്സര വിജയികളെ കേരള ഫീഡ്സ് മാനേജിംഗ്

ഡയറക്ടർ  ബി. ശ്രീകുമാർ, ക്ഷേമനിധി ചീഫ് എക്സിക്യൂട്ടീവ് ഓഫീസർ  ജോഷി

ജോസഫ്, ജോയിന്റ് ഡയറക്ടർ  സി.രവീന്ദ്രൻപിള്ള എന്നിവർ ചേർന്ന്

അനുമോദിക്കുന്നു. ജില്ലയിലെ മികച്ച ഡയറി ഫാം ഉടമ  വേണു ചെറിയത്ത്

അവർകളേയും വരദൂർ ക്ഷീര സംഘത്തിലെ മുൻ ഭരണസമിതി അംഗങ്ങളേയും

ജീവനക്കാരേയും  പി.ടി.ഗോപാലക്കുറുപ്പ് ആദരിക്കുന്നു. മികച്ച ബ്ലോക്കുതല

കർഷകരെ ബ്ലോക്കു പഞ്ചായത്ത് പ്രസിഡന്റുമാരായ ലതാ ശശി,  ഗീതാ

ബാബു,  ദിലീപ് കുമാർ എന്നിവർ ആദരിക്കുന്നു. ഐ.എസ്.ഒ.പുരസ്കാരം നേടിയ

ജില്ലയിലെ ആദ്യത്തെ ഡയറി ഫാം ഉടമയായ  മിനി തങ്കച്ചൻ കാട്ടിമൂലയെ ജില്ലാ

പഞ്ചായത്ത് വൈസ് പ്രസിഡന്റ് .പ്രഭാകരൻ മാസ്റ്ററും മികച്ച ഗുണ നിലവാരമുള്ള

പാൽ സംഭരിച്ച സംഘത്തിന്( ആലാറ്റിൽ ക്ഷീര സംഘം)  മിനി കെ.യും വരദൂർ

ക്ഷീര സംഘത്തിലെ മികച്ച കർഷകരെ പൂതാടി ഗ്രാമ പഞ്ചായത്ത് പ്രസിഡന്റ് രുഗ്മിണി

സുബ്രഹ്മണ്യനും ആദരിക്കും. മികച്ച കന്നുകുട്ടിക്കുള്ള പുരസ്കാരം ജില്ലാ മൃഗസംരക്ഷണ്

ഓഫീസർ ഡോ. സിസി ഫിലിപ്പും നൽകുന്നതായിരിക്കും.

പത്ര സമ്മേളനത്തിൽ വരദൂർ ക്ഷീര സംഘം പ്രസിഡണ്ട്  പി.രാജേന്ദ്ര പ്രസാദ്, ജില്ലാ ഡെപ്യൂട്ടി ഡയറക്ടർ  പി.പി. ബിന്ദുമോൻ,  പി.എൻ. സുരേന്ദ്രൻ,  അനൂപ് ജോർജ്, ടി.പി. സുരേഷ് കുമാർ എന്നിവർ പങ്കെടുത്തു.