വിനോദ സഞ്ചാരകേന്ദ്രത്തിലെ ചീട്ടുകളിയും മദ്യപാനവും ; ജീവനക്കാരോട് വിശദീകരണം ആവശ്യപ്പെട്ട് നോട്ടീസ്
വിനോദ സഞ്ചാരകേന്ദ്രത്തിലെ ചീട്ടുകളിയും മദ്യപാനവും ; ജീവനക്കാരോട് വിശദീകരണം ആവശ്യപ്പെട്ട് നോട്ടീസ്
മാനന്തവാടി: കോവിഡ് നിയന്ത്രണങ്ങളുടെ ഭാഗമായി അടച്ചിട്ട കുറുവ വിനോദ സഞ്ചാരകേന്ദ്രത്തിൽ ചീട്ടുകളിയും മദ്യപാനവും നടത്തിയ ജീവനക്കാരോട് വിശദീകരണം ആവശ്യപ്പെട്ട് നോട്ടീസ് നല്കി. പയ്യമ്പള്ളിയിലെ ഡിടിപിസി കേന്ദ്രത്തിലെ ആറ് ജീവനക്കാരോടാണ് ഡിഎംസി വിശദീകരണം ആവശ്യപ്പെട്ടത്. കുറുവ കേന്ദ്രത്തിനുള്ളിലെ ഓഫീസില് ചീട്ടുകളിക്കുന്നതിന്റെയും ഓഫീസിന് പുറത്ത് മദ്യക്കുപ്പികള് കൂട്ടിയിരിക്കുന്നതിന്റെയും ദൃശ്യങ്ങള് കഴിഞ്ഞ ദിവസം പുറത്ത് വന്നിരുന്നു. സംഭവത്തിലുള്പ്പെട്ട താത്ക്കാലിക ജീവനക്കാരുള്പ്പെടെയുള്ളവരോടാണ് ഇതു സംബന്ധിച്ച് ആറു ദിവസത്തിനകം വിശദീകരണം നല്കാനാവശ്യപ്പെട്ടത്. വിശദീകരണം ലഭിച്ച ശേഷം ഡിഎംസി ചെയര്മാന് കൂടിയായ ഒ.ആര്. കേളു എംഎല്എയുമായി ചര്ച്ച നടത്തി തുടര് നടപടികളുണ്ടാവുമെന്നും സൂചനയുണ്ട്.
Leave a Reply