തവിഞ്ഞാലിലെ കോളനികൾ സേവാഭാരതി പ്രവർത്തകർ ശുചീകരിച്ചു
തവിഞ്ഞാലിലെ കോളനികൾ സേവാഭാരതി പ്രവർത്തകർ ശുചീകരിച്ചു
തലപ്പുഴ: തവിഞ്ഞാലിലെ വിവിധ പട്ടികവർഗ കോളനികൾ സേവാഭാരതി പ്രവർത്തകർ ശുചീകരിച്ചു. പാലേരിക്കുന്ന്, മൈലാടി, കൊയ്യാലക്കണ്ടി എന്നീ കോളനികളാണ് മുട്ടിൽ വിവേകാനന്ദ മെഡിക്കൽ മിഷൻ ആശുപത്രിയുടെ സഹകരണത്തോടെ തവിഞ്ഞാൽ സേവാഭാരതി പ്രവർത്തകർ മരുന്ന് തളിച്ച് ശുചീകരിച്ചത്. ഈ കോളനികളിലെ ചില വീടുകളിൽ മുമ്പ് കോവിഡ് ബാധിച്ചിരുന്നു. ഇതേ തുടർന്നാണ് ഈ കോളനികളിലെ അറുപതിലേറെ വീടുകളിൽ ശുചീകരണ പ്രവർത്തനങ്ങൾ നടത്തിയത്. കൂടാതെ തവിഞ്ഞാൽ പഞ്ചായത്തിൽ വിവിധ തരത്തിലുള്ള കോവിഡ് പ്രതിരോധ പ്രവർത്തനങ്ങളും സേവാഭാരതി പ്രവർത്തകർ നടത്തിവരുന്നുണ്ട്. കെ.സി.രാമകൃഷ്ണൻ, എം.സി.ചന്ദ്രൻ, രവീന്ദ്രൻ കാവുഞ്ചോല, കെ.വി.സനൽകുമാർ, ബിന്ദുബാബു,ഇ.സി വിജയൻ, എം.ബി.ബാലൻ, കെ.കെ.സുമേഷ് എന്നിവർ നേതൃത്വം നൽകി.
Leave a Reply