കോവിഡ് രണ്ടാം തരംഗത്തിന് ശേഷം ബാണാസുരയിൽ ജനപ്രവാഹം
കോവിഡ് രണ്ടാം തരംഗത്തിന് ശേഷം ബാണാസുരയിൽ ജനപ്രവാഹം
പടിഞ്ഞാറത്തറ :നീണ്ട ഇടവേളക്ക് ശേഷം തുറന്ന ബാണാസുര അണക്കെട്ടിലേക്ക് സഞ്ചാരികളുടെ പ്രവാഹം . കോവിഡ് രണ്ടാം തരംഗം തുടങ്ങിയതു മുതൽ ആളൊഴിഞ്ഞ നിലയിലായിരുന്ന കേന്ദ്രം. ജില്ലയിലെ മറ്റ് വിനോദ സഞ്ചാരകേന്ദ്രങ്ങൾക്കൊപ്പം വീണ്ടും തുറന്നതോടെ ബാണാസുരയും സജീവമായി. അയൽ സംസ്ഥാനങ്ങളിൽ നിന്നടക്കം നൂറുകണക്കിന് സന്ദർശകരാണ് ഓരോ ദിവസവും എത്തുന്നത്. നിയന്ത്രണങ്ങൾ കഴിഞ്ഞതിനു ശേഷമുള്ള ഈ സീസണിലെ ഏറ്റവും വലിയ തിരക്കാണ് കഴിഞ്ഞ ദിവസങ്ങളിലുണ്ടായത്. വാഹനം നിർത്തിയിടുന്ന സ്ഥലങ്ങളിലടക്കം വലിയ ആൾക്കൂട്ടം ഉണ്ടാകുന്നത് കോവിഡ് ഭീതി ഉയർത്തുന്നുണ്ട്. ടിക്കറ്റ് കൗണ്ടറിനു മുന്നിൽ ഒരു വിധ മാനദണ്ഡങ്ങളും പാലിക്കാതെ ആളുകൾ കൂട്ടം കൂടുന്നത് രോഗവ്യാപനത്തിനിടയാക്കുമെന്ന് നാട്ടുകാർ പറയുന്നു.
Leave a Reply