Newswayanad.in

By ന്യൂസ് വയനാട് ബ്യൂറോ

കൽപ്പറ്റ : പ്രേക്ഷകരെ പങ്കാളികളാക്കി മരണാ കാരണം നാടകം ഹരീന്ദ്രനാഥ് വയനാടിന്റെ നേതൃത്വത്തിൽ വ്യത്യസ്തമാവുകയാണ്.

കോഴിക്കോട് സാമൂതിരി സ്കൂളിൽ ആരംഭിച്ച ആൻ ഇന്റിമേഷൻ ഓഫ് ഡെത്ത് (മരണകാരണം ) എന്ന പുതിയ നാടകമാണ് അവതരണത്തിലും, പ്രേക്ഷക പങ്കാളിത്തത്തിലും പുതുമ സൃഷ്ടിച്ചുകൊണ്ട് പ്രത്യേക ശ്രദ്ധാകേന്ദ്രമായി രിക്കുന്നത്.

കോഴിക്കോട് സാമൂതിരി സ്കൂളിലെ അധ്യാപകനും, നടനും വയനാട് പുൽപ്പള്ളി സ്വദേശിയുമായ ഹരീന്ദ്രനാഥ് എ. എസ് പ്രധാനവേഷം ഈ നാടകത്തിൽ ചെയ്യുന്നു.

ഒന്നരമണിക്കൂർ നാടകം ഒരു തവണ 15 – പ്രേക്ഷകർക്കാണ് കാണാൻ അവസരം ഒരുക്കിയിരിക്കുന്നത്.

ഡിസംബർ അവസാനം ആരംഭിച്ച നാടകം ജനുവരി 1- ന് വൈകിട്ട് ആറരയ്ക്കും,എട്ടരയ്ക്കു മാണ് അവതരണങ്ങൾ ഉണ്ടാവുക.

എമിൽ മാധവി സംവിധാനംചെയ്ത ഈ നാടകത്തിൽ പ്രേക്ഷകരുടെ എണ്ണം പരിമിതപ്പെടുത്തി അവരെയും നാടകത്തിന്റെ ഭാഗമാക്കുകയാണ് ചെയ്യു ന്നത്.

കോക്കല്ലൂർ ആസ്ഥാനമായി പ്രവർത്തിക്കുന്ന ' മാവറി ക്സ് ' ആണ് നാടകം അരങ്ങിലെത്തിച്ചത്.

ഇതിൽ പ്രധാന കഥാപാത്രം ചെയ്യുന്ന ഹരീന്ദ്രനാഥ് പുൽപ്പള്ളി യെ കൂടാതെ മണി, നിഷ, നിവേദ് പി.എസ്, സായന്ത്, വിസ്മയ, പുണ്യ, അനില, യദു, അതുൽ രാജ്, അശ്വിൻ, വത്സല, പ്രണവ്, ആദിത്യൻ, രാമചന്ദ്രൻ മനിയ എന്നിവരാണ് അഭിനയിക്കുന്നത്.