എടവകയിൽ മുഴുവൻ സ്ഥാനാർത്ഥികളുമായി യുഡിഎഫ് പ്രചാരണം തുടങ്ങി.

മാനന്തവാടി : നിലവിലെ  പ്രസിഡണ്ട് ഉഷ വിജയനേയും  മുൻ ഗ്രാമപഞ്ചായത്ത് പ്രസിഡണ്ട് എച്ച് ബി. പ്രദീപിനെയും മുൻനിർത്തി എടവക ഗ്രാമ പഞ്ചായത്തിൽ യു.ഡി.എഫ് മുഴുവൻ വാർഡിലും സ്ഥാനാർഥികളെ പ്രഖ്യാപിച്ചു പ്രചരണം തുടങ്ങി. ഇത്തവണ ജനറൽ വിഭാഗത്തിലാണ് എടവകയിൽ പ്രസിഡൻറ് സ്ഥാനം. മുൻ ബ്ലോക്ക് പഞ്ചായത്ത് അംഗവും  ഒരിക്കൽ ഗ്രാമ പഞ്ചായത്ത് പ്രസിഡണ്ടും ജനകീയനും മുഖ്യ സഹകാരിയും ആയ  എച്ച് ബി പ്രദീപ് മാസ്റ്ററെയാണ്   ഇത്തവണ യു.ഡി.എഫ് പ്രസിഡണ്ട് സ്ഥാനത്തേക്ക് ഉയർത്തിക്കാട്ടുന്നത്.  ഉഷ വിജയൻറെ നേതൃത്വത്തിലുള്ള നിലവിലെ ഭരണസമിതി മികച്ച പ്രവർത്തനമായിരുന്നു കാഴ്ചവെച്ചത് എന്നും അതിനാൽ തന്നെ ഭരണത്തുടർച്ച ഉണ്ടാകും എന്നുള്ള പ്രതീക്ഷയിലാണ് യു.ഡി.എഫ് നേതൃത്വം .കരുത്തരായവരെ തന്നെയാണ് 19 വാർഡിലും സ്ഥാനാർഥികളായി നിർത്തിയിട്ടുള്ളതെന്ന് നേതൃത്വം അവകാശപ്പെടുന്നു.