സ്കോളര്ഷിപ്പ്: അപേക്ഷ ക്ഷണിച്ചു
കൽപ്പറ്റ : കേരള അബ്കാരി തൊഴിലാളി ക്ഷേമനിധി പദ്ധതിയില് അംഗങ്ങളായിട്ടുള്ള വിദേശമദ്യ, ബാര് സ്ഥാപനങ്ങളിലെ തൊഴിലാളികളുടെ മക്കള്ക്ക് 2020-21 അധ്യയന വര്ഷത്തേക്ക് സ്കോളര്ഷിപ്പ്, പ്രൊഫഷണല് കോഴ്സുകളില് പഠിക്കുന്ന വിദ്യാര്ത്ഥികള്ക്കുള്ള ലാപ്ടോപ്പ് എന്നിവയ്ക്ക് അപേക്ഷ ക്ഷണിച്ചു. ടി.ടി.സി, ഐ.ടി.ഐ/ഐ.ടി.സി, പ്ലസ്ടു, ഡിഗ്രി, പി.ജി, പ്രൊഫഷണല് കോഴ്സുകള്, വിവിധ ഡിപ്ലോമ കോഴ്സുകള് എന്നിവയ്ക്ക് അംഗീകൃത വിദ്യാഭ്യാസ സ്ഥാപനങ്ങളില് പഠിക്കുന്ന യോഗ്യത പരീക്ഷയില് 50 ശതമാനം മാര്ക്ക് വാങ്ങിയിട്ടുള്ളവര്ക്ക് അപേക്ഷിക്കാം. അപേക്ഷാ ഫോറം ക്ഷേമനിധി ബോര്ഡിന്റെ മേഖലാ ഓഫീസുകളില് സൗജന്യമായി ലഭിക്കും. അപേക്ഷയുടെ രണ്ട് പകര്പ്പുകള്, വിദ്യാര്ത്ഥിയുടെ ബാങ്ക് അക്കൗണ്ട് വിവരങ്ങള്, യോഗ്യതാ പരീക്ഷയുടെ മാര്ക്ക് ലിസ്റ്റിന്റെ സ്വയം സാക്ഷ്യപ്പെടുത്തിയ പകര്പ്പുകള്, വിദ്യാഭ്യാസ സ്ഥാപനത്തിന്റെ മേലധികാരിയുടെ സാക്ഷ്യപ്പെടുത്തി ജനുവരി 31 ന് വൈകീട്ട് 5 നകം മേഖലാ വെല്ഫേയര് ഫണ്ട് ഇന്സ്പെക്ടര്ക്ക് ലഭിക്കണം. പ്രൊഫഷണല് കോഴ്സുകളില് പഠിക്കുന്ന വിദ്യാര്ത്ഥികള്ക്കുള്ള ലാപ്ടോപ്പിന് എന്ട്രന്സ് കമ്മീഷണറുടെ അലോട്ട്മെന്റിന്റെ പകര്പ്പ് ഹാജരാക്കണം. മറ്റ് സംസ്ഥാനങ്ങളില് പഠിക്കുന്ന വിദ്യാര്ത്ഥികള് കോഴ്സുകള് കേരള സര്ക്കാര് അംഗീകൃതമാണെന്ന് സ്ഥാപന മേധാവി രേഖപ്പെടുത്തണം. ഒരു കോഴ്സിന് സ്കോളര്ഷിപ്പ് ലഭിച്ചവര് വീണ്ടും അപേക്ഷിക്കേണ്ടതില്ല. ഫോണ് 0495 2768094.
Leave a Reply