വയനാട് റയിൽ പാത – രാത്രി യാത്രാ നിരോധന വിഷയങ്ങളിൽ മുന്നണികൾ നിലപാട് വ്യക്തമാക്കണം
നഞ്ചൻഗോഡ് – നിലമ്പൂർ റയിൽപാത ,ദേശീയപാത766 ലെ രാത്രിയാത്രാ നിരോധനം എന്നിവയിൽ വിവിധ മുന്നണികളും രാഷ്ട്രീയ പാർട്ടികളും നിലപാട് വ്യക്തമാക്കണമെന്ന് നീലഗിരി വയനാട് NH & റയിൽവേ ആക്ഷൻ കമ്മറ്റി ആവശ്യപ്പെട്ടു. മുൻ വർഷങ്ങളിൽ വയനാട്ടിൽ ഏറ്റവും അധികം ജനകീയ പ്രക്ഷോഭങ്ങൾ നടന്നത് ഈ വിഷയങ്ങളിലാണ്. നഞ്ചൻഗോഡ് – നിലമ്പൂർ റയിൽ പാത നടപടികൾ പുനരാരംഭിക്കാനും രാത്രിയാത്രാ നിരോധന പ്രശ്നം പരിഹരിക്കാനും വ്യക്തമായ കർമ്മ പദ്ധതി ജനങ്ങളുടെ മുമ്പാകെ വെക്കാൻ മുന്നണികൾ തയ്യാറാകണം. സാമ്പത്തികമായി തകർന്ന് കഴിഞ്ഞ വയനാടിൻ്റെ പുനരുജ്ജീവനത്തിന് രാത്രിയാത്രാ നിരോധന പ്രശ്നം പരിഹരിക്കലും നഞ്ചൻ ഗോഡ് – സുൽത്താൻ ബത്തേരി–നിലമ്പൂർ റയിൽ പാത നിർമ്മിക്കലും അത്യാവശ്യമാണ്. അക്ഷൻ കമ്മറ്റിയും യുവജനങ്ങളുമടക്കം നടത്തിയ ഐതിഹാസിക ജനകീയസമരങ്ങൾ പാഴാവാൻ അനുവദിക്കരുത്. രാത്രിയാത്രാ നിരോധനം പിൻവലിക്കൽ, നഞ്ചൻ ഗോഡ് നിലമ്പൂർ റയിൽവേ വിഷയങ്ങളിൽ തങ്ങളുടെ നിലപാടുകൾ ജനങ്ങളോട് പറയാനും ഇപ്പോഴത്തെ തടസ്സങ്ങൾ പരിഹരിക്കാനുള്ള മാർഗ്ഗങ്ങൾ ജനങ്ങളുടെ മുമ്പാകെ അവതരിപ്പിക്കാനും എല്ലാ മുന്നണികളും തയ്യാറാകണമെന്നും ആക്ഷൻ കമ്മററി ആവശ്യപ്പെട്ടു. അഡ്വ. ടി എം റഷീദ്, വിനയകുമാർ അഴിപ്പുറത്ത്, ജോസ് കപ്യാരുമല, റസാഖ് ചോലക്കൽ, ഐസൺ ജോസ്, EP മുഹമ്മദാലി, എൽദോ, ജോസ് തണ്ണിക്കോട്, അബു ചുള്ളിയോട്, മാത്യു ജോർജ് സംസാരിച്ചു
Leave a Reply